\ «Олоҥхо педагогиката – үөрэх-иитии систиэмэтигэр»

«Олоҥхо педагогиката – үөрэх-иитии систиэмэтигэр»

« Назад

06.12.2015 05:25

«Олоҥхо педагогиката – үөрэх-иитии систиэмэтигэр» диэн ааттаах өрөспүүбүлүкэтээҕи научнай-практическай кэмпириэнсийэни ахсынньы 2 күнүгэр Дьокуускай куоракка  Олоҥхо декадатын чэрчитинэн Үөрэх министиэристибэтэ, Национальнай оскуолалары чинчийэр научнай институт уонна ХИФУ педагогическай института тэрийэн ыыттылар.

Кэмпириэнсийэҕэ 100 кэриҥэ киһи кыттыыны ылла - үөрэх тэрилтэлэрин салайааччылара, иитээччилэр, учууталлар, педагогтар, учуонайдар, орто анал, үрдүк үөрэх преподавателлэрэ, уһуйааччылар.

Уон сыллааҕыта Үөрэх министиэристибэтэ уонна Национальнай оскуолалары чинчийэр научнай институт (салгыы - НОЧНИ) тэрийиилэринэн «Олоҥхону сырдатааччылар» диэн форумҥа Олоҥхо педагогикатын кэнсиэпсийэтэ ылыллыбыта.

Ону сэргэ НОЧНИ Олоҥхо педагогикатыгар аналлаах научнай чинчийиилэрин түмүгэ «2007-2015 сылларга саха героическай эпоһа Олоҥхону харыстааһыҥҥа, үөрэтиигэ уонна тарҕатыыга судаарыстыбаннай тус сыаллаах бырагыраама» олоххо киирэрин хааччыйбыта. Онон Олоҥхо педагогиката – аныгы ньымаҕа, технологияҕа олоҕурбут, төрүт тутулу олохтуур иитии систиэмэтэ олоххо киирэригэр бүгүҥҥү күҥҥэ сөптөөх усулуобуйа баар буолла.

Кэмпириэнсийэ сүрүн чааһыгар Ил Түмэн аатыттан эҕэрдэ тылы пед.н. д., профессор, кэмитиэт бэрэссэдээтэлэ  А.А. Григорьева эттэ. Олоҥхо педагогикатыгар үөрэх уонна наука эйгэтигэр ситиһиилэр,  соруктар тустарынан пед.н.к., НОЧНИ диэриэктэрэ С.С. Семенова, Үөрэх министиэристибэтиттэн Т.А. Абрамова, пед.н.д., Пединститут дириэктэрэ А.И. Голиков, пед.н.к., Пединститут этнокультурнай лабораториятын сотруднига Е.П. Чехордуна иһитиннэрдилэр.

Сүрүн дакылааттары истээччилэр 10 сыл устата Олоҥхо педагогикатыгар барбыт үлэ сөптөөҕүн бэлиэтээтилэр. Ону сэргэ Үөрэх министиэристибэтин сакааһынан НОЧНИ чинчийиилэрин түмүгэр олоҕурбут төрөөбүт тылга, литератураҕа уонна култуураҕа аналлаах ФГҮөС ирдэбиллэригэр эппиэттиир саҥа учуобунньуктарга олоҥхо ытык өйдөбүллэрэ үөрэх матырыйаалын кытта алтыһыннарыллыбытын сэргээтилэр.

Cалгыы кэмпириэнсийэ үлэтэ Олоҥхо педагогиката үөрэх эйгэтигэр киирэр утумун тиһигинэн барда:

  1. Олоҥхо педагогиката – оскуола иннинээҕи үөрэхтээһин систиэмэтигэр.
  2. Олоҥхо педагогиката – уопсай үөрэхтээһин систиэмэтигэр.
  3. Олоҥхо педагогиката идэҕэ бэлэмниир үөрэх систиэмэтигэр.

Кэмпириэнсийэ түмүгэр, НОЧНИ уонна Пединститут этнокультурнай үөрэхтээһин хайысхаларынан бииргэ үлэлиир туһунан дуогабарга илии баттастатылар, Олоҥхо педагогикатын 2016-2025 сылларга Кэнсиэпсийэтин дьүүллэһэн сөптөөҕүнэн аахтылар.

P1020756


Комментарии


Комментариев пока нет

Пожалуйста, авторизуйтесь, чтобы оставить комментарий.

Авторизация
Введите Ваш логин или e-mail:

Пароль :
запомнить